Эрхэм хүндэт хамт олон, түнш байгууллагууд болон Өмнөговь аймгийн нийт иргэд ээ,

Манай хамт олон Монгол Улсын эрчим хүчний салбарын нэгэн чухал тулгуур болсон Даланзадгадын дулааны цахилгаан станц ТӨХК-ийн үйл ажиллагааг тогтвортой, найдвартай байлгахын төлөө өдөр бүр чин сэтгэл, ур чадвараа зориулан ажиллаж байна.

Бид аймгийн төв болон ойролцоох хэрэглэгчдийг тасралтгүй, найдвартай дулаан, цахилгаан эрчим хүчээр хангах үндсэн үүргээ нэр төртэй биелүүлж ирсэн бөгөөд өнөөдөр энэ зорилгыг улам өргөжүүлж, шинэ техник, технологи, инновацийг үе шаттайгаар нэвтрүүлэн ажиллаж байна.

Байгууллагын шинэ бүтэц, зохион байгуулалт нь бидний үйл ажиллагааг илүү үр ашигтай,төлөвлөгөөт, хариуцлагатай болгож, эрчим хүчний найдвартай байдлыг хангах суурь нөхцөлийг бүрдүүлж байна.
Бид цаашид байгаль орчинд ээлтэй, дэвшилтэт технологид тулгуурласан үйлдвэрлэл явуулах зорилго тавин ажиллаж байгаа бөгөөд хүн төвтэй, аюулгүй ажиллагаанд тулгуурласан соёлын шинэ хандлагыг бүрдүүлж байна.

Даланзадгадын ДЦС-ийн нийт хамт олныхоо өмнөөс ажлын амжилт, сайн сайхан бүхнийг хүсэн ерөөе.
Эрчим хүчний салбарын хөгжилд хувь нэмрээ оруулж буй эрхэм ажилтнууд, түншүүддээ чин сэтгэлийн талархал илэрхийлье.

Хүндэтгэсэн,

__________________________
/ЗАХИРАЛ/
“ДАЛАНЗАДГАДЫН ДУЛААНЫ ЦАХИЛГААН СТАНЦ” ТӨХК