Түгээмэл асуулт, хариулт

2019-05-23 2296 IT

Гэмтэл доголдолын дуудлагыг хаана өгөх вэ?

Дулааны эрчим хүчний гэмтэл саатал, доголдлын дуудлагыг диспетчерийн 96543348 дугаарт холбогдож дуудлага өгнө.

И баримтаа хаанаас авах вэ?<

Банкуудад И-баримт өгч байгаа ба тодорхой шалтгаанаар баримтаа аваагүй тохиодлолд “Төрийн үйлчилгээний нэгдсэн төв” –ийн байран дахь ДЦС-ийн борлуулалтын ажилтнаас болон компанийн оффист ирж авна.

Банкууд и баримт өгөхгүй байна?

Хаан банканы И-биллинг үйлчилгээнд холбогдсон хэрэглэгчид и-баримт өгнө. Хас, Голомт, Капитрон, Худалдаа хөгжлийн банкуудад төлбөр төлсөн хэрэглэгчид И-баримт өгнө.

Төрийн банканд орон сууцны айлуудад И-баримт өгөх ба хувийн байшинтай айл өрхөд өгөхгүй. /Энэ нь тус банкны программаас шалтгаалан байрны дугаар гэх мэдээлэл ордогтой холбоотой/

Мөн аж ахуйн үйл ажиллагаа эрхэлж буй байгууллага хувь хүн НӨАТ-н баримтыг ДЦС-с авна.

Төлбөрийн мэдээллийг хаанаас авах вэ?

Халаалтын төлбөрийн мэдээллийг ДЦС-н борлуулалтын хэсгийн 70532144 дугаараас лавлана

Цахилгаан тасрахад дулаан бас тасрах уу?

Хэрэглэгчдэд дулааны эрчим хүчийг тасралтгүйгээр хүргэх гол үндэс бол цахилгаан эрчим хүч юм. ЦТП буюу дулаан түгээх төвийн цахилгаан тасрах тохиолдолд дулаан мөн адил хязгаарлагдана.

Хэрэглэгч нэр, болон утасаа солиулахад яах вэ?

Хэрэглэгчийн мэдээллийг Борлуулалтын хэсэгт солих ба 70532144 дугаарт мэдэгдэн утасны дугаараа солиулах боломжтой ба хэрэглэгч нэр солиулах тохиолдолд гэрээг шинэчилэн хийснээр солиулах боломжтой

Цахилгааны төлбөрөө андуураад дулааны дансанд хийчихлээ яаж буцааж авах вэ?

Аймгийн хэмжээнд эрчим хүчний чиглэлээр үйл ажиллагаа явуулж буй 4 байгууллага байдаг. Дулааны цахилгаан станц нь дулаан, цахилгааныг хослон үйлдвэрлэдэг хэдий ч цахилгааныг Төвийн бүсийн эрчим хүчний нэгдсэн сүлжээнд нийлүүлж “ДҮТ”ХХК-тай тооцоо хийдэг. Харин ДЭХ буюу халаалтын төлбөрийг л банкуудаар хүлээн авдаг. Цахилгааны төлбөрөө андуурч хийсэн тохиолдолд дансны хуулга болон гар өргөдлийг компанийн санхүүд өгч, бэлнээр болон дансаар буцаан авна.

Орон сууцны айл өрх дулааны тоолуур тавиулж болох уу?

Манай орны хувьд нийтийн эзэмшлийн шугам сүлжээнд дулааны тоолуур тавих нь хараахан шийдэгдээгүй асуудал юм.

Халаалтыг яагаад гадна агаараас хамааруулж өгдөг вэ. Илүү өндөр өгөх боломж байдаг уу?

Халаалтын улирал буюу ЭХЯ-ны сайдын тушаалаар намар 10 сараас хавар 5 сар хүртэл халаалт өгдөг. Энэ хугацаанд гадна агаар +20-иос -25 градус хүртэл байдаг тул нэгэн хэмээр халаах үндэслэлгүй ба гадна агаараас хамаарсан температурын графикийг мөрдөн ажилладаг. Тус график нь судалгаанд үндэслэн хийгдсэн ба олон жилийн дундажыг баримтлан гаргасан байдаг